FILMMAKING
"फिल्म मेकिंग शिकण्याची खरी सुरुवात — चला, बनवूया काहीतरी खास!"
Instructor: Rajendra Kadam Language: Marathi
About the course
"फिल्म मेकिंग – राजेंद्र कदम, कॉर्पोरेट फिल्म मेकर" हा कोर्स त्या सर्व विद्यार्थ्यांसाठी आहे जे फिल्म मेकिंगच्या जगात प्रवेश घेण्याचे स्वप्न पाहत आहेत. या कोर्समध्ये राजेंद्र कदम सरांनी त्यांच्या ३२ वर्षांच्या कॉर्पोरेट फिल्म मेकिंगमधील अनुभवावर आधारित मौल्यवान मार्गदर्शन दिले आहे. त्यांनी वेळोवेळी केलेल्या हजारो प्रोजेक्ट्सच्या माध्यमातून शिकलेल्या गोष्टी, अडचणी, यशाचे टप्पे आणि व्यावसायिक दृष्टिकोन यातून उलगडले आहेत.
या कोर्समध्ये फिल्म्सचे प्रकार कोणते असतात, त्यांचा वापर, उद्देश आणि टार्गेट प्रेक्षक याबद्दल प्राथमिक माहिती दिली जाते. फिल्म प्रोडक्शन प्रोसेसचे तीन महत्त्वाचे टप्पे – प्री-प्रोडक्शन, प्रोडक्शन आणि पोस्ट-प्रोडक्शन – यांची स्पष्ट मांडणी करून त्यामधील टूल्स, प्लॅनिंग, टीमवर्क, टेक्निकल बाबी आणि सर्जनशील निर्णय कसे घेतले जातात हे सोप्या भाषेत समजावलं आहे.
याशिवाय, डिस्ट्रीब्युशन म्हणजे फिल्म तयार झाल्यानंतर ती प्रेक्षकांपर्यंत पोहोचवण्याची प्रक्रिया काय असते, ती कोणत्या प्लॅटफॉर्मवर होते, आणि त्यासाठी काय स्ट्रॅटेजी लागते याचीही प्राथमिक माहिती यात दिली आहे. हा कोर्स विद्यार्थ्यांना फिल्म मेकिंगचा संपूर्ण आराखडा समजायला मदत करतो आणि त्यांची सुरुवात मजबूत आणि दिशादर्शक बनवतो.